Mitume wa Sala, ndivyo wanavyoitwa wengi wanaouishi utume huu, huutazama Moyo Mtakatifu wa Yesu kama ufunuo wa Upendo wa Mungu usio na mipaka. Kwa kutuhurumia sisi anaotupenda, Mungu alimtuma Mwanaye wa Pekee kuja ulimwenguni, kuwa pamoja nasi wadhambi japokuwa hakupenda wala kutenda dhambi. Alitupenda akatuhurumia hata kufa msalabani kwa ajili yetu. Akiwa duniani alitawatazama wote kwa huruma, akawasikiliza wote waliomjia kwa huruma, akawagusa na kuwabariki wengi kwa huruma... akawa Mchungaji Mwema mwenye kulihurumia kundi lake. Sisi mitume wake tunajitahidi kuwa macho, masikio, mikono... yake yenye huruma. Tunajifunza huruma kupitia Moyo wake. Tunatafakari huruma yake kwa ulimwengu, na kuifanya Utume wetu.
Tenga muda wa utulivu kwa sala na tafakari ili kutambua mwongozo wa Mungu katika maisha yako.
Geuza imani kuwa matendo kwa kumsaidia mwenye uhitaji na kujenga amani katika familia na jamii.
Katika changamoto, shikilia matumaini na kumbuka kuwa safari ya kiroho hujengwa hatua kwa hatua.
Moyo wenye upendo huanza kwa sala ndogo na tendo moja jema.
Mtandao wa Sala wa Baba Mtakatifu Ulimwenguni ni Ushirika wa Kipapa, wenye dhamira ya kuhamasisha Wakatoliki kupitia sala na matendo mema kukabili changamoto zinazoukabili Ulimwengu na Utume wa Kanisa.